Turkiyadagi Marmara dengizida 26-sentabr, payshanba kuni 5,7 balli zilzila yuz berdi, deb xabar beradi Meduza.
Zilzila epimarkazi Istanbul shahridan 70 kilometr uzoqlikda joylashgan.
Turkiya sog‘liqni saqlash vazirligi zilzila oqibatida halok bo‘lganlar yo‘qligini ma’lum qilgan. Mamlakat prezidenti Rajab Toyyib Erdo‘g‘on esa sakkiz kishi jabrlanganini aytgan.
Zilzila Istanbul shahri aholisi o‘rtasida vahima ko‘tarilishiga sabab bo‘lgan. Maktab, shifoxona, savdo markazlari va ofislardagi odamlar evakuatsiya qilingan.
Aholi ochiq joylarda yig‘ilgan, yo‘llarda tirbandliklar yuzaga kelgan.
Ayrim uylarda yoriqlar paydo bo‘ldi, Avjilar tumanida joylashgan masjiddagi minora qisman zararlandi. Ushbu hududga tez yordam mashinasi yetkazilgan, jarohatlanganlar bor-yo‘qligi haqida ma’lumot yo‘q.
Izoh (0)