Transportlarda xavfsizlik masalalari bo‘yicha Amerika milliy kengashi tergovchilari (NTSB) Boeing 737 MAX laynerlari halokati yuzasidan hisobotlarini taqdim qildi. Ular samolyot loyihalashtirilayotgan vaqtda kompaniya favqulodda vaziyatlarda uchuvchilar harakatini noto‘g‘ri taxmin qilgan degan xulosaga keldi. Bu haqda Meduza xabar tarqatdi.
Samolyotni boshqarishning yangi (MCAS) tizimini yaratishda va keyingi sertifikatsiyadan o‘tkazishda Boeing hamda Fuqaro aviatsiyasi boshqarmasi real parvoz vaqtida uchuvchilar nima qilishi mumkinligi haqida o‘ylab ko‘rmagan va ular kabinada ko‘plab ko‘rsatkichlarga qarab ish tutishi lozim deb hisoblagan.
NTSB kutilmagan holatlarda ishiga to‘g‘ri baho berishini ta’minlash uchun sertifikatsiya dasturini qayta ko‘rib chiqishni tavsiya qilgan. Kengash, shuningdek, bortli operatsion tizimlar nosozliklari haqidagi ma’lumotni aniq ko‘rsatishini ta’minlash maqsadida ularni dasturiy yangilash taklifini bildirgan.
737 MAX yangi laynerlarining parvozalari 2019-yil martida Indoneziya va Efiopiyadagi aviahalokatlardan so‘ng to‘xtatilgan. Avval Boeing kompaniyasi 737 MAX aviahalokatlari qurbonlarining qarindoshlariga 144 ming dollardan to‘lashi xabar qilingandi.
Izoh (0)