Транспортларда хавфсизлик масалалари бўйича Америка миллий кенгаши терговчилари (NTSB) Boeing 737 MAX лайнерлари ҳалокати юзасидан ҳисоботларини тақдим қилди. Улар самолёт лойиҳалаштирилаётган вақтда компания фавқулодда вазиятларда учувчилар ҳаракатини нотўғри тахмин қилган деган хулосага келди. Бу ҳақда Meduza хабар тарқатди.
Самолётни бошқаришнинг янги (MCAS) тизимини яратишда ва кейинги сертификациядан ўтказишда Boeing ҳамда Фуқаро авиацияси бошқармаси реал парвоз вақтида учувчилар нима қилиши мумкинлиги ҳақида ўйлаб кўрмаган ва улар кабинада кўплаб кўрсаткичларга қараб иш тутиши лозим деб ҳисоблаган.
NTSB кутилмаган ҳолатларда ишига тўғри баҳо беришини таъминлаш учун сертификация дастурини қайта кўриб чиқишни тавсия қилган. Кенгаш, шунингдек, бортли операцион тизимлар носозликлари ҳақидаги маълумотни аниқ кўрсатишини таъминлаш мақсадида уларни дастурий янгилаш таклифини билдирган.
737 MAX янги лайнерларининг парвозалари 2019 йил мартида Индонезия ва Эфиопиядаги авиаҳалокатлардан сўнг тўхтатилган. Аввал Boeing компанияси 737 MAX авиаҳалокатлари қурбонларининг қариндошларига 144 минг доллардан тўлаши хабар қилинганди.
Изоҳ (0)