Bir yo‘la bir necha texnologik kompaniya siyosatchilarning nutqi va postlari, garchi ijtimoiy tarmoqlar ichki qoidalariga zid bo‘lsa ham endi platformadan o‘chirilmasligini e’lon qildi. Ushbu bayonotlar Atlantadagi (AQSh) texnologik va siyosiy festivalida ma’lum qilindi. Bu haqda “Kommersant” xabar berdi.
YouTube rahbari Syuzen Voyjitskining fikricha, saylovchilar va dunyoning boshqa yetakchi siyosatchilari uchun amaldor chiqarayotgan postlarni kuzatib borish juda muhim. Facebook’ning xalqaro munosabatlar va jamoatchilik bilan aloqalar yo‘nalishi vitse-prezidenti Nik Klegg ham siyosatchilarning reklama xarakteridagi materiallardan tashqari boshqa har qanday xabarni chop qilishi mumkinligini ta’kidlab o‘tdi. Lekin Facebook agar material zo‘ravonlikni targ‘ib qilsa va zararli bo‘lsa uni o‘chirish huquqini o‘z zimmasida qoldiradi.
Twitter bu kabi siyosatdan o‘zini tiyib turibdi: siyosatchilar kontenti servis qoidalarini buzsa, ular o‘chirilmaydi, balki bu qoidaga zid ma’lumot ekanligi belgilangan holda ajratib ko‘rsatiladi.
Izoh (0)