Germaniyadagi eng katta banklardan biri Deutsche Bank dunyo moliyaviy regulyatorlari bunga qarshi turuvchi deyarli barcha vositalaridan foydalanib bo‘lgani va global iqtisodiy risklar oqibatini yengillatish yo‘llariga ega emasligini ma’lum qildi, deb yozmoqda “Incrussia”.
Deutsche Bank rahbari Kristian Shyuing Londonda o‘tayotgan Sibos banklar konferensiyasida bu boradagi fikrlari bilan o‘rtoqlashdi.
“Yevropa markaziy banki va AQSh federal rezervidagi kabi bizda ham real iqtisodiy inqiroz ta’sirini kamaytirish uchun vositalar qolmagan”, — deydi Shyuing.
U o‘zini bir necha moliyaviy va geosiyosiy muammolar, Gonkongdagi vaziyatdan boshlab Yaqin Sharqdagi holat bilan tugayotgan masalalar tashvishga solayotganini qayd etdi.
“Dunyo avvaldan bashorat qilish qiyin va og‘ir bo‘lgan favqulodda makroiqtisodiy vaziyatga to‘qnash kelmoqda. Kelajakda inqiroz yana o‘zgaruvchan bo‘lishi mumkin”, — deydi u.
Ayni vaqtda global markaziy banklar jumladan, Yevropa markaziy banki va AQSh federal rezervi ham pul-kredit siyosatini yengillashtirishga intilmoqda, sababi ushbu tashkilotlar iqtisodchilarida retsessiya hamda deflyatsiya o‘sishi yuzasidan xavotir mavjud. Biroq bunday siyosat katta rezervlar talab etadi va har doim ham samara beravermaydi.
Masalan, Yevropa markaziy banki depozit stavkalarini rekord -0,5 foizgacha tushirdi. Ammo bu ham kutilayotgan inqiroz ta’sirini kamaytira olmaydi.
“Kam sonli iqtisodchilargina undan arzon pullar ushbu holatda yordam berishiga ishonmoqda”, — deya ta’kidlagan Shyuing Deutsche Bank mijozlari ham shu fikriga qo‘shilganligiga urg‘u berib.
Izoh (0)