AQSh Adliya vazirligi, garchi AQSh Federal savdo komissiyasi (FTC) bu borada o‘z ishini davom ettirayotganiga qaramay bosh prokuror Uilyam Barrning taklifi asosida Facebook kompaniyasiga nisbatan shaxsiy antimonopol tergovini o‘tkazadi. Bu haqda Meduza xabar qildi.
Adliya vazirligi ijtimoiy tarmoqning raqobat borasida antimonopol qonunchilikka rioya qilmaganligi yuzasidan tekshiruv o‘tkazadi.
Adliya vazirligi va FTC, ikkisi parallel ravishda tergov olib boradi. Shuningdek, ijtimoiy tarmoq ishi bo‘yicha Nyu-York prokurori Letitsiya Jeyms hamda sud ishlarini hal etish bo‘yicha vakillar palatasi ham surishtiruv o‘tkazadi.
AQSh federal savdo komissiyasi Facebook ishiga aloqador surishtiruvida ijtimoiy tarmoq raqobatchilari orasida so‘rov o‘tkazdi. Asosiy raqobatchilardan biri bo‘lgan Snapchat komissiyaga “Volea-de-Mort” deb nomlangan hujjatlar to‘plamini taqdim etgan. Unda Facebook’ning Snapchat funksiyalarini ko‘chirib olgani va Instagram ilovasining tarqalishiga to‘sqinlik qilgani yuzasidan hujjatlar mavjud.
Izoh (0)