18-sentabr, chorshanba kuni soat 00:15 da Toshkent shahrining Yunusobod tumani “Muravvat” MFY 15-dahasidagi ko‘p qavatli 48-uyning 11-xonadonida yong‘in sodir bo‘layotgani haqida yong‘in-qutqaruv xizmatiga xabar kelib tushgan, deb xabar beradi FVV YoXBB OAV bilan hamkorlik qilish bo‘linmasi.
Sodir bo‘lgan yong‘inni bartaraf etishga 2 ta asosiy va 1 ta maxsus yong‘in o‘chirish bo‘linmasi jalb etilgan. Ko‘rsatilgan manzilga bo‘linmalar 7 daqiqada yetib borgan. Ko‘rilgan tezkor harakatlar natijasida yong‘in tezda bartaraf etilib, yong‘indan uyning 20 kvadrat metr maydoni saqlab qolingan va alanga qo‘shni xonadonlarga o‘tib ketishining oldi olingan.
Yong‘inni bartaraf etish vaqtida uy egasi 1976-yilda tug‘ilgan uy egasi, fuqaro A.K. kuyish tan jarohati olib shifoxonaga yuborilgan. Yong‘in oqibatida 10 kvadrat metr maydonda uy jihozlari yonib zararlangan. Yong‘inning taxminiy sababi mast holda sigareta chekib uxlab qolishidan, deyiladi xabarda.
Izoh (0)