18 сентябрь, чоршанба куни соат 00:15 да Тошкент шаҳрининг Юнусобод тумани «Муравват» МФЙ 15-даҳасидаги кўп қаватли 48-уйнинг 11-хонадонида ёнғин содир бўлаётгани ҳақида ёнғин-қутқарув хизматига хабар келиб тушган, деб хабар беради ФВВ ЁХББ ОАВ билан ҳамкорлик қилиш бўлинмаси.
Содир бўлган ёнғинни бартараф этишга 2 та асосий ва 1 та махсус ёнғин ўчириш бўлинмаси жалб этилган. Кўрсатилган манзилга бўлинмалар 7 дақиқада етиб борган. Кўрилган тезкор ҳаракатлар натижасида ёнғин тезда бартараф этилиб, ёнғиндан уйнинг 20 квадрат метр майдони сақлаб қолинган ва аланга қўшни хонадонларга ўтиб кетишининг олди олинган.
Ёнғинни бартараф этиш вақтида уй эгаси 1976 йилда туғилган уй эгаси, фуқаро А.К. куйиш тан жароҳати олиб шифохонага юборилган. Ёнғин оқибатида 10 квадрат метр майдонда уй жиҳозлари ёниб зарарланган. Ёнғиннинг тахминий сабаби маст ҳолда сигарета чекиб ухлаб қолишидан, дейилади хабарда.
Изоҳ (0)