O‘zbekiston musulmonlari idorasi muassisligida tashkil etilgan Hadis ilmi maktabida ilk o‘quv yili boshlandi. Bu haqda O‘zA xabar beradi.
Samarqandda joylashgan hadis maktabi Shavkat Mirziyoyevning 2018-yil 16-apreldagi “Diniy-ma’rifiy soha faoliyatini tubdan takomillashtirish chora-tadbirlari to‘g‘risida”gi farmoniga ko‘ra tashkil etilgan.
Maktabga qabul imtihonlari 9—10-iyul kunlari bo‘lib o‘tgan. 100 ga yaqin talabgorlar orasidan saralab olingan 12 nafar iqtidorli yosh mazkur muassasada 5-sentabrdan o‘qishni boshladi.
Maktabda hadisshunoslik fanlari bilan bir qatorda Qur’oni karim, fiqh, aqida, tafsir, islom tarixi kabi fanlar hamda xorijiy tillardan chuqur bilim beriladi.
Izoh (0)