Ta’kidlash lozimki, tadbirkorlik faoliyatini amalga oshirish uchun qulay shart-sharoitlar yaratish, kredit mablag‘larini ajratish va tadbirkorlarning dolzarb muammolarini hal etishda “Mikrokreditbank” ATB tadbirkorlarga moliyaviy ko‘makchi bo‘layotganligi kuzatilmoqda.
Bunga “Mikrokreditbank” ATB Boshqaruvi raisi O.Almardanovning 27—28-avgust kunlari Surxondaryo va Qashqadaryo viloyatlarida kichik biznes va xususiy tadbirkorlik vakillari bilan navbatdagi uchrashuvi misol bo‘la oladi.
Uchrashuvda xususiy tadbirkorlik va kichik biznesni rivojlantirish bo‘yicha muammolarni aniqlash va ularni bartaraf etish masalalari yuzasidan har bir tadbirkorlik subyektlari bilan suhbatlashib, mavjud muammolar sabablari o‘rganildi. Shuningdek, vaqtincha faoliyatini to‘xtatgan tadbirkorlik subyektlariga qisqa muddatda faoliyatini tiklash bo‘yicha ko‘rsatma va tushuntirishlar berildi hamda bank krediti va boshqa mavjud muammolarni joyida hal etish maqsadida tegishli idoralar rahbarlari bilan hamkorlikda ish olib borib, tadbirkorlik faoliyatini rivojlantirishga amaliy yordam qilishga kelishib olindi.
Bugungi kunda hukumatimiz tomonidan tadbirkorlikni rivojlantirish yuzasidan tadbirkorlikka oid qonun hujjatlarida xususiy tadbirkorlik va kichik biznesni rivojlantirish maqsadida berilayotgan imtiyoz va preferensiyalar to‘g‘risida ham batafsil ma’lumotlar berildi.
Uchrashuvlardan so‘ng tadbirkorlarning bir qator loyihalari bilan yaqindan tanishish uchun joylarga tashriflar uyushtirildi va tadbirkorlarning biznes loyihalari o‘rganildi.
Reklama huquqi asosida.
Izoh (0)