O‘zbekiston Respublikasi Prezidentining 2018-yil 23-martdagi “Bank xizmatlari ommabopligini oshirish bo‘yicha qo‘shimcha chora- tadbirlar to‘g‘risida”gi qarori va “Respublika bank tizimini yanada rivojlantirish va barqarorligini oshirish chora-tadbirlari to‘g‘risida”gi qaroriga asosan Yagona umumrespublika protsessing markazi tomonidan UnionPay International xalqaro to‘lov tizimi bilan hamkorlikda kobeyjing kartalarini muomalaga chiqarish loyihasi ishlab chiqildi.
Aksiyadorlik-tijorat “Qishloq qurilish bank” tomonidan yuqoridagi qarorlar va ularni amalga oshirish bo‘yicha “Yo‘l xaritasi”da belgilangan vazifalar ijrosini ta’minlash maqsadida 2019-yil mart oyidan boshlab Uzcard va UnionPay to‘lov tizimlarini o‘zida mujassamlashtirgan kobeyjing kartochkalarini muomalaga chiqarish yo‘lga qo‘yildi.
Shuningdek, “Qishloq qurilish bank” aholi orasida kobeyjing kartochkalari haqidagi ma’lumotlarni va bank xizmatlarini targ‘ib qilish maqsadida va bank tashkil qilinganligining 25 yilligi munosabati bilan 2019-yilning 25-iyuldan 25-avgustgacha maxsus aksiya e’lon qilgan edi. Aksiya doirasida kobeyjing plastik kartalari foydalanuvchilari o‘rtasida ko‘rik-tanlov o‘tkazildi.
“Qishloq qurilish bank” tomonidan joriy yilning mart oyidan boshlab jami 15 000 dona kobeyjing plastik kartalarini emissiya qilingan bo‘lib, e’lon qilingan aksiya doirasida esa jami 5 000 dona kobeyjing kartalari muomalaga chiqarildi.
2019-yilning 29-avgust kuni aksiya tanlovining g‘olib va sovrindorlarini taqdirlash marosimi o‘tkazildi.Aksiya shartlariga ko‘ra tanlovda karta hisobini kamida 100 ming so‘mga to‘ldirgan hamda 100 ming so‘m va undan yuqori summaga to‘lovni amalga oshirgan “Qishloq qurilish bank” kobeyjing (UPI) kartasi egalari – jami 7192 nafar ishtirokchi qatnashdi.
G‘olib va sorindorlar Random.org xizmati yordamida aniqlandi.
Tanlov bosh sovrini – “Dubayga ikki kishilik sayohat” yo‘llanmasi bankning Sariosiyo filiali mijozi Ma’rufjon Mirzayev, Kogon filiali mijozi Muhabbat Bagirova va Xonqa filiali mijozi Sadoqat Jumanazarovalarga nasib etdi. Aksiyaning 59 nafar sovrindorlari esa qimmatbaho va esdalik sovg‘alar bilan taqdirlandi.
Kobeyjing kartasi O‘zbekistonda, shuningdek, 170 ta mamlakatda va UnionPay infratuzilmasi mintaqalarida to‘lov uchun qabul qilinadi. Jahonda UnionPay kartalarini, shuningdek, yangi kobeydjing kartalarini to‘lovga qabul qiladigan 10 milliondan ortiq savdo-servis korxonalari mavjud.
Kobeyjing kartalari orqali to‘lovlarni O‘zbekiston hududida milliy valyuta so‘mda, chet el mamlakatlarida chet el valyutasida to‘lov terminallar va bankomatlar orqali qabul qilinadi.
Kobeyjing kartasi (“co badge” – ingliz tilidan qisqartirilganda “company badge” – belgilar guruhi) – bu ikki va undan ortiq to‘lov tizimlarning bir plastik kartasida birlashishi.
Kobeyjing kartalarining afzalliklari:
- bir necha to‘lov tizimlardan to‘lov infrastrukturasida foydalanish;
- plastik kartadan o‘z davlatidan tashqarida ham foydalanish imkoniyati mavjudligi;
- agar chet el to‘lov tizimi yashab turgan joyda ishlatilmay qolsa, karta egasi mahalliy to‘lov tizimi orqali to‘lovlarni amalga oshirishi;
- to‘lov tizimlarning raqobatbardoshlik darajasi oshib borishi;
- karta egasida yagona karta orqali, taklif qilinayotgan to‘lov tizimlaridan foydalanish imkoniyatining paydo bo‘lishi.
Murojaat uchun:
Telefon: (+99878) 150-93-39
Veb sayt: www.qqb.uz
Telegram: https://t.me/QQBANK
Facebook: FB.com/official.qqb.uz
Bank axborot xizmati
Reklama huquqi asosida.
Izoh (0)