29-avgust kuni bo‘lib o‘tgan matbuot anjumanida Murad Buildings va Özgüven quruvchi-kompaniyalari vakillari ulkan obyektning mufassal arxitekturasi rejasini taqdim etar ekanlar, bino qurilishining yangi tafsilotlari, birinchi osmono‘par binoning noyob afzalliklari va nufuzli turar joy sotuvlarining boshlanishi haqida so‘zlab berdilar.
Taqdimot vaqtida mamlakatdagi birinchi osmono‘par binoning rasmiy nomi — Nest One ekanligi e’lon qilindi, bu nom loyihaning “osmon barcha uchun” deya tan olingan konsepsiyasidan kelib chiqqan. Nest One nomi, shuningdek, o‘zida unda yashovchilar va ularning mehmonlari uchun shinamlik va ishonchli “uya” timsolini mujassamlashtirgan. Ofislar, restoranlar, sport zonalari va boshqa jamoat hududlaridan tashqari, bo‘lg‘usi osmono‘par binoda “lyuks” klassidagi 746 ta xonadon qurilishi loyihalangan. Quyi qavatlarda avtomobillar turargohlari ko‘zda tutilgan. O‘zbekistonning eng baland va ko‘p funksiyali binosida ko‘chmas mulkni sotish 2019-yilning 14-sentabrida boshlanadi.
Bo‘lg‘usi osmono‘par bino 51 qavatdan iborat bo‘ladi va u 266,5 metr balandlikka ko‘tariladi. Ushbu bino qulay va nufuzli hayot kechirish uchun zarur barcha qulayliklarga ega. Binoning dastlabki loyihasi 215 metrga teng deb e’lon qilingandi, lekin grunt tahlili va Germaniya hamda Turkiyada o‘tkazilgan bir qator simulyatsiyalardan so‘ng, bino balandligi 266,5 metrgacha oshirildi, bu matbuot xodimlari bilan o‘tkazilgan avvalgi uchrashuvda aytilganidan balandlikdan 51,5 metr balandroqdir. Ochiq havoda Nest One’ning yuqori qavatlarida 100 kmga yaqin radiusda keng ufq manzarasi ochiladi. Dastlabki hisob-kitoblarga qaraganda osmono‘par binoning qurilishini nihoyasiga yetkazish va turar joy, amaliy va jamoat zonalarini obodonlashtirish 2021-yilning dekabr oyiga rejalashtirilgan.
Murod Nazarov — Murad Buildings asoschisi va rahbari, Ugur Ozer Ozgyuven – Özgüven Architecture arxitektura byurosi direktori va Özgüven Ozgyur Onur Ozgyuven direktorlar kengashi raisi taklif qilingan mehmonlarga loyihalashdagi, dizayndagi yangi tafsilotlar va bo‘lg‘usi osmono‘par binoning xavfsizligi to‘g‘risida so‘zlab berdilar.
Murod Nazarov: Nest One O‘zbekistondagi eng baland bino bo‘libgina qolmay, ushbu binoda barcha istiqomat qiluvchilar uchun o‘ylab topilgan ajoyib arxitektura yechimlari va sifatning barcha jahon standartlariga javob beradigan infratuzilmasi tufayli qulaylikning yangi darajasini taqdim etadi», - deya ta’kidladi.
“Shuni ishonch bilan aytamanki, biz haqiqatan ham O‘zbekiston uchun misli ko‘rilmagan tavsiflar va qulayliklarga ega bo‘lgan noyob binoni quramiz. Biz hammamiz butun shahar bo‘ylab qancha ko‘p uylar va turar joy komplekslari qurilayotganiga guvohmiz. Lekin bugun iste’molchi ancha talabchan bo‘lib qoldi va borgan sari o‘zining shaxsiy vaqtini foydali o‘tkazishni istab, uni yanada qadrlay boshladi. Ma’lum nuqtai nazardan birinchi bo‘lgan Nest One loyihasi bunday imkoniyatni taqdim etadi.
Sizning, albatta, shahar bo‘ylab “maydoni 3 000 m2 li kvartiralar” degan yozuvli bilbordlarga ko‘zingiz tushgan va bu nima degani ekan, deb o‘zingizga savol bergandirsiz. Aynan ana shu 3 000 kvadrat metr Nest One’ning noyob o‘ziga xosligi hisoblanadi. Bu maydon 33 ta jamoat makoniga taqsimlangan bo‘lib, ular orasida mehmonlar uchun xonalar, konferens-hollar, SPA salon, fitness-markaz, kinoteatr, bolalar uchun o‘yin zonalari, basseyn, launj-zona, ko‘rish maydonchasi, omonat saqlash kameralari, kutubxona va kovorking-markazi bor. Bularning barchasi bir yarim gektarga yaqin yagona hududda joylashgan bo‘lib, undan yagona boshqaruv tizimi doirasida barcha shu binoda istiqomat qiluvchilar foydalana oladilar.
Toshkentda bugungi kunda baland binolar qurilishi shaharda yer resurslarining cheklanganligi va ko‘chmas mulk bozorining jadal rivojlanishi kabi omillar bilan bog‘liq bo‘lib, bunda odamlar yuqori qavatlarning afzalligini tushuna boshladilar. Va agar ilgari bizning mijozlarimiz 1, 2, 3-qavatlardagi kvartiralarni jon deb sotib olgan bo‘lsalar, hozir ufq, bepoyon kengliklar ko‘rinib turadigan va havo tozaroq bo‘lgan yuqori qavatlarni afzal ko‘radigan bo‘ldilar”, – deya qayd qildi Murod Nazarov.
Yakka tartibda bino quruvchilarning so‘zlariga qaraganda, baland binolar aksariyat hollarda shahar tipidagi binolar o‘rtasida eng xavfsizlaridan biri hisoblanadi, chunki ular tuproqni o‘rganishdan boshlab, loyihalash, qurish va foydalanishga topshirishgacha bo‘lgan barcha bosqichlarda juda qattiq nazorat ostida bo‘ladi. Butun dunyoda yil sayin osmono‘par binolar atmosfera o‘zgarishlariga va yer silkinishlariga bardosh bo‘lib bormoqda. Nest One binosini loyihalashda Toshkent sharoitida yuzaga kelishi mumkin bo‘lgan barcha xavflar hisobga olingan. Osmono‘par binoning barcha parametrlar bo‘yicha ishonchlilik ko‘rsatkichlari juda yuqori.
Haftada 7 kun, sutkada 24 soat bino xavfsizlik xizmati muhofazasi va videokuzatuv kameralari ostida bo‘ladi. Bundan tashqari, barcha istaganlar uchun uyni masofadan boshqarish tizimi o‘rnatiladi, uning yordamida uyda dazmol o‘chirilganmi-yo‘qmi, boshqa elektr asboblar ishlayaptimi-yo‘qmi kabilarni tekshirish, xonadonga qaytishdan oldin konditsionerni yoqib qo‘yish va boshqa ko‘plab ishlarni bajarish mumkin. Kompleksning maishiy, kommunal va texnik holatini kuzatib turadigan boshqaruvchi kompaniyaga taalluqli muzokaralar olib borilmoqda.
Ugur Ozer Ozgyuven – bir jamoa bo‘lib Nest One loyihasini loyihalashtirgan arxitektorlar guruhi rahbari ham o‘zining fikrlari bilan o‘rtoqlashdi:
“Biz binoni modern stilida loyihaladik: uning dizayni va shakllari foydalanishda ko‘zni quvontiradigan ergonomikani va estetikani ta’minlashga mo‘ljallangan. Nest One’da hatto maydoni kichik xonadonni sotib olar ekansiz, nafaqat turar joy makoniga ega bo‘lasiz, balki 5 yulduzli mehmonxona darajasidagi qulayliklarni ta’minlaydigan juda ko‘plab zonalardan foydalanish imkoniyatini ham qo‘lga kiritasiz. Nest One doirasida o‘z hohishlariga ko‘ra mulk egalari foydalanishi mumkin bo‘lgan hudud uchun ajratdik. Masalan, bu yerda ular oilasi va mehmonlari bilan birgalikda kechki shahar manzarasidan bahra olishi, kechki yugurishni amalga oshirishi yoki restoranda kechki ovqatni tanovul qilishi mumkin. Bu uyda istiqomat qiluvchilarning uydan chiqishga deyarli ehtiyoji bo‘lmaydi, axir komfort bilan hayot kechirish uchun zarur barcha narsa binoning o‘zida mujassam”, — deydi janob Ozgyuven.
“Binomizning barcha konstruksiyaviy hisob-kitoblari, shuningdek yer silkinishlarida mustahkamligini sinash ishlari tugallangan, - deydi, Özgüven direktorlar kengashining raisi Ozgyur Onur Ozgyuven. – Biz yer silkinishiga qarshi bardoshligi sinovlarini Istambul universitetida o‘tkazdik, bu bizda bino 9 ballgacha yer silkinishiga bardosh berishiga ishonch uyg‘otdi. Lekin biz muhimligi undan kam emas, deb hisoblaydigan muammo mavjud, u ham bo‘lsa — shamol. Biz shamol simulyatsiyasini sinovlarini Germaniyada o‘tkazdik. Binoning har bir qavatidagi shamol oqimlari trenajyorlarda hisoblandi. Bu sinovlar natijasida binomizning fasad tizimi mufassal hisoblab chiqildi.
Biz, shuningdek, osmono‘par binoning olovbardoshligiga alohida e’tibor qaratdik. Yong‘in xavfsizligining umumiy qoidalariga muvofiq, eng birinchi qilinadigan ish bu — odamlarni xavfsiz evakuatsiya qilish, shundan keyingina yong‘inni o‘chirishni boshlash zarur. Bizning tizimimizda bularning barchasi birgalikda ishlaydi. Eng avvalo, evakuatsiya yo‘llari tutun bosishidan himoya qilinganligidir. Shu bilan bir vaqtda, ventilyatsiya tizimi hal qilinganligi tufayli binodagi yong‘in o‘choqlari uning ichiga o‘rnatilgan aqlli tizim yordamida nazorat qilinadi. Sodda qilib aytganda, biz o‘ta ilg‘or infratuzilmani tayyorlayapmiz va bizning binoimizdagi barcha nazorat va xavfsizlik tizimlariga katta e’tibor berayapmiz”.
Bino poydevori o‘ta mustahkam bo‘lishi uchun noyob Barret tizimi qo‘llaniladi, undan ham ushbu loyihadagi boshqa ko‘plab narsalar kabi O‘zbekistonda birinchi marta foydalaniladi. Ushbu tizim ancha qimmat bo‘lishiga qaramay, u o‘zining analoglariga nisbatan ancha mustahkam va chidamli hisoblanadi.
Bo‘lg‘usi osmono‘par binoni alohida markadagi beton bilan ta’minlash uchun Toshkent chekkasida beton zavodi qurilmoqda, unga 4 million dollar investitsiya kiritildi. 800 markali betondan foydalanishga qaror qilindi. Qurilayotgan zavod faqat Nest One loyihasini beton bilan ta’minlaydi.
Reklama huquqi asosida.
Izoh (0)