AQSh Davlat departamenti Grenlandiyada mamlakatning bosh konsulxonasini ochish taklifi haqida Kongressga xat yubordi, deb xabar bermoqda “Korrespondent.net”.
Xabarda aytilishicha, Davlat departamenti bosh konsullik ochish tashabbusini AQShning Arktikadagi ishtirokini kengaytirish rejalari bilan izohlagan.
Grenlandiyada Amerika Bosh konsulligi birinchi marta 1940-yilda Daniya fashistlar tomonidan bosib olingan paytda ochilgan va 1953-yilda yopilgan. AQSh yangi Bosh konsullikni 2020-yilda orol poytaxti bo‘lmish Nuukda ochishni rejalashtirmoqda. Uning hududi Daniya qirolligi tarkibiga kiradi va keng avtonomiyaga ega.
Eslatib o‘tamiz, 16-avgust kuni The Wall Street Journal Tramp AQShning Arktikadagi o‘rnini kuchaytirish maqsadida Grenlandiya orolini sotib olmoqchiligini ma’lum qilgandi. Ammo Daniya bosh vaziri Mette Frederiksen qirollik tarkibiga kiruvchi Grenlandiyaning sotilishi imkoniyatini qat’iy rad etgan. Tramp ma’muriyati Grenlandiyaga muddatsiz egalik qilish uchun Daniyaga har yili 600 million dollar to‘lab turishga ham tayyor bo‘lgan.
Izoh (0)