MIB Qamashi tuman bo‘limi tashabbusi bilan tashkil etilgan tadbirda 14 ta oila yarashtirildi. Bu haqda “Daryo”ga MIB Qashqadaryo viloyat boshqarmasi matbuot xizmati xabar bermoqda.
MIBning Qamashi tuman bo‘limi tashabbusi bilan tashkil etilgan tadbirda tuman xotin-qizlar qo‘mitasi, mahalla fuqarolar yig‘inlari vakillari va 50 dan ortiq ajrashgan oila ishtirok etgan. Tadbirda so‘z olgan mas’ullar er-xotin o‘rtasidagi arzimas kelishmovchilik sabab oilaning buzilib ketishi naqadar ayanchli holat ekanligini ta’kidlab, ajrashgan oila vakillariga o‘zaro yarashish taklifini o‘rtaga tashlagan. MIB tomonidan ilgari surilgan ushbu takliflar tuman xotin-qizlar qo‘mitasi tomonidan ham qo‘llab-quvvatlangan.
— Shundan so‘ng, 14 ta oila tashshabbus ko‘rsatib, aliment undirish to‘g‘risidagi ijro hujjatlarini qaytarib olishga, yarashib birga yashashga qaror qildi. Natijada 29 nafar farzand ota-ona mehridan birdek bahramand bo‘lish imkoniga ega bo‘ldi, — deyiladi matbuot xizmati xabarnomasida.
Izoh (0)