11-avgust, yakshanba kuni “Paxtakor-79” xotirasining 40 yilligiga bag‘ishlangan tadbirlar o‘tkazildi. Shuningdek, “Paxtakor” va sobiq SSSR terma jamoasi faxriylari o‘rtasida o‘rtoqlik o‘yini bo‘lib o‘tdi.
Uchrashuvdan avval 1979-yil 11-avgust kuni aviahalokat natijasida hayotdan ko‘z yumgan futbolchilar xotirasiga bag‘ishlab badiiy dastur namoyish etildi. Unda jamoa a’zolarini yodga oladigan chiqishlar va qo‘shiqlar ijro etildi.
So‘ngra o‘rtoqlik o‘yiniga start berildi. “Paxtakor” stadionida bo‘lib o‘tgan bahsda 4:4 hisobi qayd etildi.
Toshkentliklar safida Azamat Abduraimov het-trik qayd etdi, yana bir golga Ravshan Bozorov muallif bo‘ldi. Mehmonlarning uchta golini Igor Belanov urgan bo‘lsa, Dmitriy Kuznetsov ham o‘z hisobiga gol yozdirib qo‘ydi.
O‘rtoqlik o‘yini
11-avgust, yakshanba
“Paxtakor”— Sobiq SSSR terma jamoasi 4:4 (3:2, 1:2)
Gollar: 1:0 – 8 A. Abduraimov, 3:0 – 26 A. Abduraimov, 2:0 – 17 Bozorov, 3:1 – 27 Belanov, 3:2 – 28 Kuznetsov, 4:2 – 50, penalti A. Abduraimov, 4:3 – 51 Belanov, 4:4 – 54 Belanov.“Paxtakor” (umumiy tarkib): Aleksey Roshin, Murod Aliyev, Denis Ivankov, Farhod Magomedov, Mahmud Sobirov, Islom Ahmedov, No‘mon Hasanov, Igor Shkvirin, Azamat Abduraimov, Jasur Abduraimov, Ilhom Sharipov, Ja’far Irismetov, Ravshan Bozorov, No‘mon Nurmatov, Oleg Sobirov, Aleksandr Xvostunov, Sergey Lebedev, Oybek Usmonxo‘jayev, Baxtiyor Ashurmatov, Furqat Esonboyev, Pavel Bugalo, Sergey Lushan, Qayrat O‘taboyev, Sobir Xodiyev, Abduqahhor Ma’rufaliyev, Gocha Tkebuchava, Mirjalol Qosimov, Nuriddin Amriyev, Yuriy Kurbiko.
Sobiq SSSR terma jamoasi: Otar Gabeliya, Kuralbek Ordabayev, Ruslan Nigmatullin, Vladimir G‘ulomhaydarov, Vladimir Bessonov, Aleksey Mixaylichenko, Aleksandr Zavarov, Vagiz Xidiyatullin, Valeriy Kechinov, Valeriy Shmarov, Dmitriy Kuznetsov, Ruslan Mamedov, Aleksandr Mirzoyan, Andrey Yemanov, Andrey Pyatnitskiy, Vladimir Gutsayev, Aleksandr Chivadze, Andrey Kanchelskis, Vasilis Xadzipanagis, Yevgeniy Yarovenko, Andrey Fyodorov.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)