11 август, якшанба куни «Пахтакор-79» хотирасининг 40 йиллигига бағишланган тадбирлар ўтказилди. Шунингдек, «Пахтакор» ва собиқ СССР терма жамоаси фахрийлари ўртасида ўртоқлик ўйини бўлиб ўтди.
Учрашувдан аввал 1979 йил 11 август куни авиаҳалокат натижасида ҳаётдан кўз юмган футболчилар хотирасига бағишлаб бадиий дастур намойиш этилди. Унда жамоа аъзоларини ёдга оладиган чиқишлар ва қўшиқлар ижро этилди.
Сўнгра ўртоқлик ўйинига старт берилди. «Пахтакор» стадионида бўлиб ўтган баҳсда 4:4 ҳисоби қайд этилди.
Тошкентликлар сафида Азамат Абдураимов ҳет-трик қайд этди, яна бир голга Равшан Бозоров муаллиф бўлди. Меҳмонларнинг учта голини Игор Беланов урган бўлса, Дмитрий Кузнецов ҳам ўз ҳисобига гол ёздириб қўйди.
Ўртоқлик ўйини
11 август, якшанба
«Пахтакор»— Собиқ СССР терма жамоаси 4:4 (3:2, 1:2)
Голлар: 1:0 – 8 А. Абдураимов, 3:0 – 26 А. Абдураимов, 2:0 – 17 Бозоров, 3:1 – 27 Беланов, 3:2 – 28 Кузнецов, 4:2 – 50, пенальти А. Абдураимов, 4:3 – 51 Беланов, 4:4 – 54 Беланов.«Пахтакор» (умумий таркиб): Алексей Рошин, Мурод Алиев, Денис Иванков, Фарҳод Магомедов, Маҳмуд Собиров, Ислом Аҳмедов, Нўмон Ҳасанов, Игор Шквирин, Азамат Абдураимов, Жасур Абдураимов, Илҳом Шарипов, Жаъфар Ирисметов, Равшан Бозоров, Нўмон Нурматов, Олег Собиров, Александр Хвостунов, Сергей Лебедев, Ойбек Усмонхўжаев, Бахтиёр Ашурматов, Фурқат Эсонбоев, Павел Бугало, Сергей Лушан, Қайрат Ўтабоев, Собир Ходиев, Абдуқаҳҳор Маъруфалиев, Гоча Ткебучава, Миржалол Қосимов, Нуриддин Амриев, Юрий Курбико.
Собиқ СССР терма жамоаси: Отар Габелия, Куралбек Ордабаев, Руслан Нигматуллин, Владимир Ғуломҳайдаров, Владимир Бессонов, Алексей Михайличенко, Александр Заваров, Вагиз Хидиятуллин, Валерий Кечинов, Валерий Шмаров, Дмитрий Кузнецов, Руслан Мамедов, Александр Мирзоян, Андрей Еманов, Андрей Пятницкий, Владимир Гуцаев, Александр Чивадзе, Андрей Канчельскис, Василис Хадзипанагис, Евгений Яровенко, Андрей Фёдоров.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)