Ўзбекистон Олий Мажлиси Сенати раиси Танзила Норбоева Корея республикасига ташрифи чоғида Hyundai Motors компанияси вице-президенти Санг Жун Ким билан учрашиб, музокаралар олиб борди. Бу ҳақда журналист Жонибек Маърупов «Дарё»га хабар бермоқда.
Шунингдек, Корея республикаси Ихтирочи аёллар уюшмаси раиси Инсил Ли билан ҳам учрашув бўлиб ўтди.
Бундан ташқари, Бутунжаҳон сайлов органлари уюшмаси (БСОУ) бош директори Ким Деил билан учрашувда эса БСОУнинг Ўзбекистон Республикаси Марказий сайлов комиссияси билан икки томонлама алоқаларини янада мустаҳкамлаш масалалари муҳокама этилди.
Шу ўринда БСОУ Ўзбекистонда жорий йил декабрда бўлиб ўтадиган парламент сайлови ҳақида хабардор қилинди. Маълумот ўрнида айтиш мумкинки, Ўзбекистон Марказий сайлов комиссияси БСОУнинг тўлақонли аъзоси ҳисобланади.
Шунингдек, парламент делегацияси аъзолари Корея—Ўзбекистон бизнес-марказига бориб, унинг фаолияти билан яқиндан танишди.
Эслатиб ўтамиз, жорий йил 6—9 август кунлари Ўзбекистон парламенти делегацияси Корея республикасида бўлади.
Изоҳ (0)