Texasning El-Paso shahridagi savdo markazida 3-avgust kuni uyushtirilgan otishmada olti kishi halok bo‘ldi. “TASS”ning xabar berishicha, bu haqda Meksika prezidenti Manuel Lopes Obrador Michoakan shtatida so‘zga chiqqanda ma’lum qilgan.
“Afsuski, bugun FTB bergan hisobotda olti nafar meksikalik halok bo‘lgani, 7 nafari yaralangani haqida aytildi”, — degan u.
Voqea El-Paso shahridagi Cielo Vista savdo markazida joylashgan Walmart do‘konida yuz bergan bo‘lib, 21 yoshli yigit odamlarni o‘qqa tutgan. Oqibatda 20 kishi halok bo‘lgan, 26 nafari yaralangan. Politsiya hujum qilgan shaxsni qo‘lga olgan.
Fojia munosabati bilan Meksika hukumati AQShdagi meksikaliklarni himoya qilishni talab qiluvchi yuridik xarakterdagi choralar ko‘rmoqchi.
Izoh (0)