Вьетнамда 4 август куни Wipha пўртанаси ёпирилиши оқибатида сув тошқини ва кўчкилар юзага келди, деб хабар бермоқда «Korrespondent.net». Оқибатда 5 киши ҳалок бўлган, 14 нафари бедарак йўқолган.
Хабарда айтилишича, пўртана Вьетнам шимоли-шарқида жойлашган Куангнинь провинцияси ва унга яқин жойлашган Хайфон порт шаҳрига 2 август куни ёпирилган.
Бўрон кучли ёмғирни келтириб чиқарган ва кўчаларнинг сув босиши, Вьетнамнинг марказий ва шимолий қисмидаги бир неча провинцияларда сув тошқини, кўчкилар юзага келишига сабаб бўлган.
Бу эса 3 август куни Тханьхоа провинциясидаги аҳолининг 3 нафари ҳалок бўлиши, 13 нафарининг бедарак йўқолишига олиб келган. Баккан ва Дьенбьен провинцияларида эса биттадан одам ҳалок бўлган.
Шунингдек, кучли ёмғир ва унинг оқибатида юзага кеган сув тошқини қарийб 50 та уйнинг вайрон бўлишига, яна 200 та уйнинг қисман шикастланишига олиб келган.
Изоҳ (0)