Шавкат Мирзиёев 17 йиллик фаолияти давомида биринчи марта меҳнат таътилига чиқди

Шавкат Мирзиёев 17 йиллик фаолияти давомида биринчи марта меҳнат таътилига чиқди.

2003 йилда Шавкат Мирзиёев Бош вазир этиб тайинланганди. Ушбу лавозимга яна уч марта — 2005, 2010, 2015 йилларда Олий Мажлис томонидан қайта тасдиқланган.

2016 йил 4 декабрь куни бўлиб ўтган сайлов якунлари бўйича Шавкат Мирзиёев Ўзбекистон Республикаси Президенти этиб сайланган. 14 декабрда расман ўз вазифасини бажаришга киришган.

Демак, Бош вазир сифатида 14 йил, Президент лавозимида қарийб 3 йиллик «танаффус»сиз фаолият.

Президентнинг таътилга чиқиши Ўзбекистон тарихида биринчи марта эмас, лекин аввал таътилга чиқиш расман эълон қилинганини эслаш қийин.

Шу ўринда «Журнализд» канали бир жиҳатга эътибор қаратган:

«Президент 2017 йил апрелида бошқарув таркиби учун кучайтирилган тартибда ишлашни кўзда тутувчи фавқулодда ҳолатни эълон қилган эди. Энди ўзи ҳам тайм-аут олаётганидан хулоса қилиш мумкинки, икки йиллик экстрим ортда қолди — буёғига шошилмай, хотиржам суръатда ишланади».