Tengrinews президентлар қанақа пойабзал кийиши тасвирланган суратларни тўплаб тақдим этди. Маълум бўлишича, Қозоғистон президенти Қосим-Жўмарт Тўқаев маҳаллий пойабзалларни кийишни маъқул кўради.
Россия президентининг бўйи пастлиги сабаб пошнаси юқори оёқ кийим кийиб юради. Журналистлар бу каби «баланд» пойабзалларни Россия бош вазири Дмитрий Медведевда ҳам бир неча бор пайқашган. Бир сафар у Нурсултон Назарбоев билан учрашувга 5 сантиметрли платформада келган. Назарбоевнинг бўйи 170 сантиметр бўлса, Медведевники 163 сантиметрга тенг.
Беларусь президенти Александр Лукашенко эса Вибецк вилоятида ишлаб чиқарилган пойабзалларни кийишни маъқул кўради, бу ҳақда у Нурсултон Назарбоевга сўзлаб берган.
Ўзбекистон Президенти Шавкат Мирзиёевнинг Z Zegna брендига оид кроссовкаси эса 317 доллар туради. Ҳайит арафасида эълон қилинган суратдан кейин унинг нархи 500 долларга чиқиб кетган.
Буюк Британия қироличаси Елизавета II эса битта пойабзални 5—7 йил кияди. Пошнаси ейилиб кетгудек бўлса, фақат ўша қисми алмаштирилади, холос.
Украина собиқ президенти Пётр Порошенко ҳам битта оёқ кийимни узоқ вақт кийиб юради. Порошенко Барак Обама билан учрашувга ғижим кастюмда келгани анча вақт гап-сўз бўлган эди.
Изоҳ (0)