АҚШ президенти Дональд Трамп мамлакатда содир бўлган оммавий отишмаларни жиноятчиларнинг руҳий носоғломлиги билан боғлади, деб хабар беради «Korrespondent.net».
Оқ уй етакчиси Огайо ва Техасдаги нохуш ҳодисаларни қоралаб, «бизнинг мамлакатда нафратга ўрин йўқ», дея таъкидлади.
Шунингдек, Трампнинг қайд этишича, оммавий отишмаларга боғлиқ муаммо неча йиллардан буён ҳал этилмаган ва буни тўхтатиш зарур. Трамп ушбу масалани бош прокурор, ФҚБ директори ҳамда Конгресс аъзолари билан муҳокама қилган.
Шу билан бирга Америка етакчиси отишма уюштирганларни «жиддий руҳий касал» деб атади.
«Иккала ҳодисага ҳам эътибор беринг, бу руҳий носоғломлик. Бу одамлар жиддий касал», — дейди Трамп.
4 август куни АҚШда сутка давомида икки маротаба оммавий қотиллик рўй берди. Огайодаги отишмада 9 киши ҳалок бўлди, 16 киши яраланди. Техас штатининг Эл-Пасо шаҳридаги отишма оқибатида эса 20 киши ҳалок бўлди.
Изоҳ (0)