Xorazm viloyati hokimi Farhod Ermanov uylari buzilishga tushgan Urganch shahridagi “Ashxobod” mahallasi ahli bilan uchrashib, bo‘lib o‘tgan voqealar uchun uzr so‘radi.
— Mahalla xonadonlarini ko‘chirishda sizlarga ko‘p aziyat berdik. Bundan afsus va iztirobdaman. Aslida oldingi gal kelganda ham sizlardan bu uchun uzr so‘ragandim. Yana takror bizlarni kechirishlaringni so‘rab qolaman.
Viloyat hokimiga ko‘ra, buzilish ishlarida yo‘l qo‘ygan kamchiliklari uchun ko‘plab mutasaddilar, jumladan, Urganch shahar hokimi va prokuroriga hayfsan berilgan.
Eslatib o‘tamiz, Shavkat Mirziyoyev 2-avgust kuni bo‘lib o‘tgan videoselektor yig‘ilishida joylardagi buzilish ishlarida zo‘ravonlik siyosatini qoralagan va bunga yo‘l qo‘ygan hokimlar, xususan, Farhod Ermanovning harakatlarini xiyonat sifatida baholagandi.
Izoh (0)