Ekspertlar qarishni tezlashtiradigan mahsulotlarni sanab o‘tdi. Ular orasida tuz, chips va popkorn bor

Shakar va qayta ishlangan go‘sht tez qarishga olib keladigan oziq-ovqat mahsulotlari qatoriga kiradi. Bu haqda “Korrespondent.net” xabar bermoqda.

Diyetologlarga ko‘ra, shakar teri tarangligi uchun javob beradigan kollagen sintezini sekinlashtiradi. Qayta ishlangan go‘shtdan tayyorlangan mahsulotlar esa moddalar almashinuviga salbiy ta’sir ko‘rsatadi.

Tuz organizmda suyuqlikni ushlab qoladi va shishlarni keltirib chiqishi mumkin. Qahva esa nafaqat tish emalini zararlashi, balki organizmni ham quruqshatib, ajin tushishiga olib keladi. Alkogol ham teri qarishiga sabab bo‘lishi ko‘pchilikka ma’lum.

Makkajo‘xori mahsulotlari, jumladan, chips va popkorn organizmda Omega-3 va Omega-6 balansini buzadi.