Belarus prezidenti Aleksandr Lukashenko mamlakatning nemis-fashist bosqinchilaridan ozod etilganining 75 yilligi munosabati bilan amnistiya haqidagi farmonni imzoladi. Bu haqda “Korrespondent.net” xabar bermoqda.
Hujjatga ko‘ra, og‘ir bo‘lmagan jinoyatlar sodir etgan shaxslar, voyaga yetmaganlar, homiladorlar, 18 yoshgacha bolalari bo‘lgan ayollar va yolg‘iz erkaklar, pensionerlar, I va II guruh nogironlari, saraton kasaliga chalinganlar, jangovar harakatlar qatnashchilari jazodan ozod qilinadi.
Ozod etilishi belgilanmagan ayrim toifadagi mahbuslarning jazo muddati qisqartiriladi.
Amnistiya davomida 6 ming kishi (jumladan, qamoqxonalardan 2 ming kishi) jinoiy javobgarlikdan ozod qilinishi ko‘zda tutilmoqda.
Izoh (0)