Toshkent, Namangan, Nukus va Xiva shaharlaridagi Prezident maktablari g‘ayratli, ijodkor, o‘z kasbining fidoyisi, zamonaviy o‘qitish uslublarini amalda qo‘llay oladigan, salohiyatli mutaxassislarni tanlovda ishtirok etishga taklif qiladi.
Agar Siz jamoada ishlashni yaxshi ko‘rsangiz, o‘z ishingizning ustasi bo‘lsangiz, nostandart masalalarni yechishga va doimiy o‘z ustingizda ishlasangiz, o‘zbek (qoraqalpoq) tillarini yaxshi bilsangiz, bolalarni sevsangiz, innovatsion muhitga qadam tashlashga tayyor bo‘lsangiz, biz Sizni kutamiz!
Tanlovda ishtirok etish uchun ushbu havola (pm.xtv.uz/ariza/) orqali onlayn ariza yuborishingiz mumkin. Arizalar 2019-yil 20-iyulga qadar qabul qilinadi.
Prezident maktablariga yuqori malakali o‘qituvchilar quyidagi fanlar bo‘yicha tanlab olinadi:
Matematika*
Informatika va AT*
Fizika va astronomiya*
Kimyo*
Biologiya*
Geografiya, iqtisodiyot, tadbirkorlik asoslari
Musiqa/drama*
Tasviriy san’at*
Texnologiya*
Ona tili va adabiyoti;
Rus tili (o‘zbek sinflar uchun);
O‘zbek tili (Qoraqalpog‘iston uchun);
Ingliz tili (IELTS-7.0/ TOEFL IBT - score 101/ TOEFL Paper based - score 587 xalqaro sertifikatlari talab etiladi);
Nemis tili;
Milliy g‘oya va ma’naviyat asoslari majmuasiga kiruvchi fanlar;
Tarix (Jahon tarixi, O‘zbekiston tarixi, Din tarixi, Davlat va huquq asoslari)
Jismoniy tarbiya;
Chaqiruvga qadar boshlang‘ich tayyorlash;
* ushbu fanlar STEAM ta’lim dasturiga kirgani va xorijiy ta’lim muassasalari bilan hamkorlikda ishlab chiqilgan o‘quv rejalari, dasturlari bo‘yicha o‘qitilishi sababli nomzodlar ingliz tilini CEFR B2 darajasida bilishi lozim.
Nomzodga qo‘yiladigan talablar:
oliy pedagogik ma’lumotga ega bo‘lishi;
chaqiruvga qadar boshlang‘ich tayyorlash fani o‘qituvchisiga – o‘z yo‘nalishi bo‘yicha kamida bakalavr darajasidagi oliy pedagogik ma’lumot yoki pensiya olish huquqi bilan zaxiraga bo‘shatilgan harbiy ofitser;
kamida ikkinchi malaka toifasining mavjudligi;
umumta’lim muassasalarida 5 yildan kam bo‘lmagan pedagogik ish tajribasiga egaligi;
o‘zbek/qoraqalpoq (Qoraqalpog‘iston uchun) tillarida savodli yozma va og‘zaki nutqqa egaligi, ingliz tilini bilishi;
kompyuter texnologiyalarini va o‘quv jarayonida axborot-kommunikatsiya texnologiyalaridan foydalanishni bilishi;
tashkilotchilik qobiliyati, ijodiy tafakkurga egaligi;
bolalar va katta yoshdagilarning yosh va shaxs bilan bog‘liq psixologiyasini bilishi;
ravon nutq madaniyati;
shaxslararo munosabatlarni o‘rnatish qobiliyati;
yakka tartibda va jamoada ishlash qobiliyati;
tashabbuskorlik, stressga chidamliligi;
so‘nggi 5 yil davomida “Yil o‘qituvchisi” ko‘rik-tanlovining Respublika, viloyat sovrindorlari bo‘lishi maqsadga muvofiq.
Izoh (0)