Avvalroq yakshanba kuni uydan ishga ketayotganligini aytib chiqib ketgan Tayloq tuman soliq inspeksiyasi xodimi yurak xurujidan vafot etgani haqida xabar berilgan edi.
Samarqand viloyat davlat soliq boshqarmasi tomonidan o‘rganilganda D.Normamatov 2019-yil 6-iyul kuni navbatchilikni inspeksiya qorovuli X.Suyarqulovga topshirib, soat taxminan 09:00 da inspeksiya binosidan chiqib ketgan hamda 6—7-iyul kunlari inspeksiya binosiga kelmagan. Buni inspeksiyada o‘rnatilgan kuzatuv kameralari orqali ham aniqlash mumkin.
Samarqand viloyat davlat soliq xizmati organlari xodimlari shanba-yakshanba kunlari ishga jalb etilmaydi. Aynan 6—7-iyul kunlari nafaqat marhum D.Normamatov, balki boshqa xodimlar ham inspeksiya rahbariyati tomonidan ishga jalb qilinmagan, deyiladi xabarda.
Ayni paytda ushbu holat yuzasidan xizmat tekshiruvi tayinlangan. Xizmat tekshiruvi yakuni bo‘yicha ommaviy axborot vositalariga batafsil ma’lumot beriladi.
Izoh (0)