Qirg‘izistonning Kasalliklarni oldini olish va davlat sanitariya-epidemiologiya nazorati departamenti Tokmakdagi restoranda ommaviy zaharlanishga nima sabab bo‘lganini aniqladi, deb xabar beradi “Zakon.kz”.
Sog‘liqni saqlash vazirligining ma’lum qilishicha, jami 174 kishi tibbiy yordam so‘rab murojaat qilgan bo‘lib, ularning 78 nafari shifoxonaga yotqizilgan. Yana 10 kishi davolanishni davom ettirmoqda.
Surishtiruv ishlari natijasida zaharlanish ovqatda salmonella infeksiyasi mavjudligi sabab yuzaga kelgani aniqlandi. Tokmok shahridagi “Megapolis” restorani huquqbuzarlik holati bartaraf etilguniga qadar yopib qo‘yildi.
Eslatib o‘tamiz, Tokmakdagi ommaviy zaharlanish 29-iyun kuni “Megapolis” restoranida o‘tkazilgan to‘y marosimida sodir bo‘lgan. To‘yga Tokmak, Bishkek va Issiqko‘ldan 256 kishi taklif etilgan.
Izoh (0)