10-iyulning e’tiborga molik yangiliklari — “Daryo” dayjestida.
Navoiy viloyati aholisi falanga deb ataluvchi hasharotlar ko‘payganidan shikoyat qilmoqda.
Avvalroq Toshkent viloyati Bekobod tumanidagi Jumabozor QFY atrofidagi dala hovlilarda falanga (o‘rgimchaksimon zaharli jonivor) paydo bo‘lgani ma’lum qilingan edi. Qashqadaryoning ba‘zi hududlari aholisi ham falangalardan shikoyat qilgan.
***
Toshkentda Matiz haydovchisi 5 yashar bolani urib yubordi.
YTH 9-iyul kuni soat 19.20 atrofida Sergeli tumanidagi Mirzo Tursunzoda ko‘chasida ro‘y bergan. 26 yoshli Bahrom H. O‘zining Matiz avtomobilida yo‘lni kesib o‘tayotgan 5 yoshli R.S.ni urib yuborgan. Haydovchi bolani kasalxonaga yetkazgan.
***
Abituriyentlar jazirama issiqda turnaqator navbatda turmoqda.
Tarqalgan suratlarda Payariq tumani Davlat xizmatlari markazidagi holat aks etgan.
Keyinroq Samarqand viloyati Payariq tumani Davlat xizmatlari markazida OTMlarga hujjat topshirish uchun kelgan abituriyentlarning jaziramada navbatda turganiga Davlat xizmatlari agentligi munosabat bildirdi.
Ta’kidlanishicha, DXMlarda navbat paydo bo‘lishi sabablaridan biri — ular hozircha ilgari mavjud bo‘lgan “Yagona darcha” markazlari binosida joylashganidir. Ammo avvalgi markazlardan farqli o‘laroq, ko‘rsatilayotgan xizmatlar ko‘payib, tashrif buyuruvchilar soni bir necha marotabaga oshgan.
Shuningdek, uzoq muddat navbatda turish va jazirama issiq tufayli ayrimlar hushidan ketgan va ularga tibbiy yordam ko‘rsatilgan.
***
Fransiya Gulnora Karimovaga tegishli ko‘chmas mulklarni sotishdan tushgan pullarni O‘zbekistonga qaytaradigan bo‘ldi.
Fransiya OAV Gulnora Karimovaga tegishli Parijdagi kvartirani 31 million yevroga baholamoqda, villa esa — 2,4 million yevro, Versal yaqinidagi de Grusse qasri esa 28 million yevro turadi. Biroq O‘zbekiston tomoni oladigan summa sezilarli darajada kam.
***
Milliy gvardiya xodimi “Qo‘yliq” bozori yonidagi ko‘prikdan o‘zini tashlamoqchi bo‘lgan ayolning hayotini saqlab qoldi.
Suhbat natijasida u 1992-yil 15 iyunda Toshkent viloyati Nurafshon shahrida tug‘ilgan A.B.ekanligi, turmush o‘rtog‘i B.E. bilan oilaviy janjallar sababli joniga qasd qilmoqchi bo‘lganligi ma’lum bo‘ldi.
Izoh (0)