Odessada joylashgan moliyaviy bo‘limga bostirib kirgan erkak u yerdagi ishchilarni asirga olib, ularni ozod qilish uchun bir million dollar hamda vertolyot talab qildi, deb xabar beradi “Zakon.kz”.
Odessa shahridagi moliya bo‘limiga bostirib kirgan erkak avvaliga u yerdagi ishchilardan pul talab qilgan. Qizlar bergan pul yetarli bo‘lmagach, jinoyatchi xodimlarga politsiyaga qo‘ng‘iroq qilib, bir million dollar va vertolyot so‘rashni buyurgan.
Viloyat politsiya boshqarmasi boshlig‘i Oleg Bex o‘zini asirlarga almashtirish taklifini bildirgan, biroq bosqinchi bunga rozi bo‘lmasdan, o‘z talabida qat’iy turib olgan.
Uch soatga yaqin davom etgan muzokaralardan so‘ng, maxsus bo‘linma xodimlari binoga kirib, jinoyatchini qo‘lga olishga muvaffaq bo‘lgan.
Hozirda bosqinchiga nisbatan tegishli moddalar bilan jinoyat ishi qo‘zg‘atilgani aytilmoqda.
Izoh (0)