Ukraina prezidenti Vladimir Zelenskiyning matbuot xizmati Torontoni Kanada poytaxti deb atab, kulgiga qoldi. Bu haqda “RIA Novosti” xabar berdi.
“Mamlakat rahbari Kanada poytaxti — Torontoda bo‘lib o‘tadigan Ukrainadagi islohotlarni qo‘llab-quvvatlashga qaratilgan xalqaro anjumanda ishtirok etadi”, — deyiladi prezident matbuot xizmatining xabarida.
Keyinroq matbuot xizmati xodimlari Toronto — Kanadaning Ontario provinsiyasi poytaxti, deya o‘z xatolarini to‘g‘irlab qo‘ygan.
Oliy Rada deputati, Ukraina parlamentining sobiq vitse-spikeri Irina Gerashenko matbuot xizmati xodimlariga “likbez” o‘taman deb, o‘zi ham “qovun tushirib” qo‘ygan. U bir nechta davlatlarni poytaxti bilan sanab, Gaagani Niderlandiya poytaxti deb yuborgan. Bildirilgan tanqidlardan so‘ng, Gerashenko o‘z aybini tan oldi.
Iyul oyining boshida Zelenskiy Kanadagi tashrif buyurib, u yerda uch kun bo‘lgan edi. Ukraina prezidenti Kanada bosh vaziri Jastin Tryudo, tashqi ishlar vaziri Xristey Friland, parlament a’zolari va boshqa ishchi doira vakillari bilan uchrashgan edi.
Izoh (0)