Зеленскийнинг матбуот хизмати Торонтони Канада пойтахти деб атаб, кулгига қолди

Украина президенти Владимир Зеленскийнинг матбуот хизмати Торонтони Канада пойтахти деб атаб, кулгига қолди. Бу ҳақда «РИА Новости» хабар берди.

«Мамлакат раҳбари Канада пойтахти — Торонтода бўлиб ўтадиган Украинадаги ислоҳотларни қўллаб-қувватлашга қаратилган халқаро анжуманда иштирок этади», — дейилади президент матбуот хизматининг хабарида.

Кейинроқ матбуот хизмати ходимлари Торонто — Канаданинг Онтарио провинцияси пойтахти, дея ўз хатоларини тўғирлаб қўйган.

Олий Рада депутати, Украина парламентининг собиқ вице-спикери Ирина Герашенко матбуот хизмати ходимларига «ликбез» ўтаман деб, ўзи ҳам «қовун тушириб» қўйган. У бир нечта давлатларни пойтахти билан санаб, Гаагани Нидерландия пойтахти деб юборган. Билдирилган танқидлардан сўнг, Герашенко ўз айбини тан олди.

Июль ойининг бошида Зеленский Канадаги ташриф буюриб, у ерда уч кун бўлган эди. Украина президенти Канада бош вазири Жастин Трюдо, ташқи ишлар вазири Христей Фриланд, парламент аъзолари ва бошқа ишчи доира вакиллари билан учрашган эди.