Axborot va ommaviy kommunikatsiyalar agentligi direktori Komil Allamjonov o‘zining Instagram’dagi sahifasida bloger Nozim Safari va Sardor Komilov o‘rtasida yuzaga kelgan ziddiyatli vaziyatga munosabat bildirdi.
Bir-ikki kun oldin ikkita bloger orasida ziddiyat kelib chiqqan. Bular — Nozim Safari va Sardor Komilov. Tushunishimcha, “Sayyod.com” saytining bosh muharriri yoritgan masalaga Nozim Safari haqoratli so‘z bilan javob qaytargan. Keyin Sardor Komilov uning ustida shikoyat yozib bergan. Yunusobod ROVDsini ichida nima gap bo‘lganidan bizni xabarimiz yo‘q… ROVDdan chiqqanidan keyin Nozim Safari hissiyotlarga berilib, juda qattiq gaplarni ommaga yozib tashlagan. Bunga boshqa blogerlar ham qo‘shilgan. “Mana, so‘z erkinligi deyishgandi”, “Mana, fikr erkinligi. Hammasi yolg‘on, hammasi ertak. Mana, bizni ROVDga chaqirishdi. U yerda biz bilan qo‘pol munosabatda bo‘lishdi”, “Allamjonov biz sizga ishongan edik. Ertaklar tugadi!”, degan juda og‘ir-og‘ir gaplar yangrab o‘tdi. Ertasi kuni bular bir-biri bilan darrov yarashvolishdi. Lekin bildirilgan gap — otilgan o‘q. Odamlar baribir o‘qidi, fikrlarini yozdi, bahs-muzokaralar bo‘ldi. Bizning agentligimiz va Prezidentimiz tomonidan olib borilayotgan ochiqlik siyosati, umuman davlatning bu yo‘nalishdagi siyosatini shubha ostiga qo‘yilishiga sababchi bo‘ldi. Shuning uchun men o‘rtoq blogerlardan iltimos qilaman, his-tuyg‘ularga berilib, birdaniga bunaqa shoshma-shosharlik bilan butun boshli davlatni, agentligimizning ishlarini bunaqa yerga urib, haqoratli so‘zlarni ishlatmasliklarini so‘rayman. Chunki bu bizga nisabatan hurmatsizlik…https://www.instagram.com/p/BzXvTwily_v/?igshid=eksuoysgt7wxBlogerga biror-bir davlat idorasida bosim, tazyiq o‘tkazilsa, bu butun boshli davlatning ishlari yolg‘on degani emas… So‘z erkinligi — birovni haqorat qilishi kerak degani emas…
Komil Allamjonov
Izoh (0)