AQShning Jorjiya shahridagi Xartsfild-Jekson aeroportida ayol kishi onasi bilan Orlandoga otlangan bolalarni o‘g‘irlashga urindi, deb xabar berdi Forum Daily.
Holat kuzatuv kameralari tomonidan qayd etildi.
Kadrda qizil shlyapa kiygan noma’lum ayolning bolalar aravachasida o‘tirgan qizchaning oldiga kelib uni ushlab olganini ko‘rish mumkin. Qizchaning onasi ayolni haydaydi, shunda u ikkinchi bolaga tashlanib, uni olib qocha boshlaydi.
Yon-atrofdagi odamlar yordamga kelib ayolning qo‘lidan bolani tortib olgan. Aeroport qo‘riqlash xizmati esa bola o‘g‘irlagan ayolni yerga yiqitgan.
Keyinroq ayolning shaxsi aniqlangan. U kanzaslik 26 yoshli Ester Deniyels ekanligi aytilmoqda.
“Uning harakatlari juda g‘alati edi. Hozircha uni ruhiy nosog‘lom ekanligi haqida xulosaga kelishga erta, biroq uning harakatlari sog‘lom odamnikiga o‘xshamas edi”, — deydi aeroport qo‘riqlash xizmati vakillaridan biri.
Izoh (0)