AQSh prezidenti Donald Tramp saudiyalik jurnalisti Jamol Qoshiqchining o‘ldirilishidan “g‘azablangan”nini aytdi, biroq Saudiya Arabistoni valiahdi Muhammad bin Salmonni “ayblamaydi”, deb yozadi “Kommersant.ru”.
“Men bu hodisadan juda g‘azablandim va xafa bo‘ldim”, dedi u. Biroq, “hech kim Saudiya Arabistonining valiahd shahzodasini bevosita ayblamagan”, deya qo‘shimcha qildi AQSh prezidenti.
Avvalroq, Saudiya Arabistoni tashqi ishlar vaziri BMTning jurnalistning o‘limi haqidagi ma’ruzasida qarama-qarshilik va asossiz ayblovlar borligini ma’lum qildi.
Bunday bayonot bilan u BMTning inson huquqlari bo‘yicha Kengashi Saudiya Arabistoni shahzodasining jurnalistni o‘ldirishga aloqadorligi haqidagi hisobotni taqdim etganidan so‘ng chiqish qildi.
Eslatib o'tamiz, Jamol Qoshiqchi 2018-yil 2-oktabrda Istanbuldagi Saudiya Arabistoni bosh konsulligi hududida o‘ldirilgan. Ommaviy axborot vositalari Qoshiqchining qiynoqqa solinganligini yozgan. Saudiya Arabistoni bosh prokuraturasi besh nafar gumondor uchun o‘lim jazosini talab qildi.
Izoh (0)