Toshkentda Adju universitetini tashkil etish bo‘yicha qo‘shimcha chora-tadbirlar to‘g‘risida hukumat qarori 20 iyunda qabul qilindi, deya xabar bermoqda Adliya vazirligi.
Qarorga muvofiq, Toshkentda Adju universitetini tashkil etishda Janubiy Koreyadagi Adju universitetiga dastlabki maslahat ishlarini bajarish uchun to‘lovni amalga oshirish maqsadida 2,1 million dollariga teng miqdorda mablag‘ ajratilgan.
Shuningdek, Yashnobod temiryo‘l kasb-hunar kolleji hamda Yashnobod kasb-hunar kollejining bino va inshootlari tegishli hududlari bilan birgalikda Oliy va o‘rta maxsus ta’lim vazirligiga berilgan, keyinchalik ushbu joyda Toshkentdagi Adju universiteti joylashtiriladi.
“Mazkur kasb-hunar kollejlarining o‘quvchilari o‘qishni bitirgunlariga qadar shu yerda o‘quv jarayonini davom ettiradilar”, — deyiladi xabarda.
Izoh (0)