Buxoro viloyatining Qorovulbozor tumanida 21-iyun kuni avtomobilning gaz balloni portlashi holati qayd etilgan. Bu haqda O‘zbekiston IIV Jamoatchilik va OAV bilan aloqalar boshqarmasi xabar bermoqda.
Xabar berishlaricha, Qashqadaryo viloyatining Nishon tumanida yashovchi 52 yoshli A.T. Nexia’sidagi gaz balloniga “Cho‘lquvar” mahallasida joylashgan Petromaruzgaz gaz quyish shoxobchasida gaz to‘ldirib, mashinani gaz quyish shoxobchasidan haydab chiqqan vaqtida gaz balloni portlab ketgan.“Natijada haydovchi A.T. va uning yo‘lovchisi — 35 yoshli U.X. jarohat olib, kasalxonaga yotqizilgan”, — deyiladi IIV axborotida. Qayd etishlaricha, hozirda holat yuzasidan surishtiruv ishlari olib borilmoqda.
Izoh (0)