Markaziy Osiyoda yagona hisoblangan Navoiy davlat konchilik institutida yangi jamg‘arma bitiruvchilar jamg‘armasi tashkil etildi. Bu haqda instituti matbuot xizmati ma’lum qildi.
Jamg‘arma Vazirlar Mahkamasining 17-apreldagi “Ta’lim muassasalarida uni bitirib, yuksak yutuqlarga erishgan nomdor shaxslarning homiylik xayriya mablag‘lari hisobiga shakllantiriladigan bitiruvchilar jamg‘armasini tashkil etish to‘g‘risida”gi qaroriga asosan tashkil etilgan va Jamg‘arma nizomi tasdiqlangan.
Nizomga muvofiq, Jamg‘arma mablag‘lari iqtidorli, bilimli o‘quvchi va talabalarni moddiy qo‘llab- quvvatlash va rag‘batlantirish, zarur o‘quv va ilmiy adabiyotlar hamda jihozlar xarid qilish, kam ta’minlangan oilalar va yetim bolalar toifasiga kiruvchi o‘quvchi va talabalarni moddiy qo‘llab-quvvatlash kabi qator maqsadlarga yo‘naltirilishi ko‘zda tutilgan.
Izoh (0)