13-iyunning e’tiborga molik yangiliklari — “Daryo” dayjestida.
Bugun, 13-iyun kuni Shavkat Mirziyoyev Bishkekka jo‘nab ketdi. O‘zbekiston Prezidentini “Manas” xalqaro aeroportida Qirg‘iziston bosh vaziri Muhammadqaliy Abulg‘oziyev kutib oldi.
Shavkat Mirziyoyev Bishkek shahrida Qirg‘iziston Respublikasi Prezidenti Sooronbay Jeenbekov bilan uchrashdi.
Shuningdek, ShHTning Bishkek sammiti tadbirlari doirasida O‘zbekiston Prezidenti Shavkat Mirziyoyev Afg‘oniston prezidenti Ashraf G‘ani bilan uchrashdi.
Bundan tashqari, O‘zbekiston Prezidenti Bishkekda BMT Bosh kotibining siyosiy masalalar bo‘yicha o‘rinbosari Rozmeri DiKarloni qabul qildi.
***
Rossiyalik teleboshlovchi Kseniya Sobchak qisqa videosi bilan o‘zbekistonliklarni ranjitdi.
Rossiyalik teleboshlovchi Kseniya Sobchak Instagram sahifasida o‘zbekistonliklar haqida qisqa video lavha joylashtirdi va uni “olomon ichidagi yolg‘izlik” deb nomladi. Unda Kseniya Sobchak milliy libosdagi o‘zbek ayollari o‘tib ketayotgan joyda turgani aks etgan.
***
Oqdaryo tumani hokimining Captiva rusumli xizmat avtomobiliga “migalka” o‘rnatilgani uchun jarima belgilandi.
Samarqand viloyatining Oqdaryo tumani hokimi Feruz Abilovning davlat raqami 30 330 SAA bo‘lgan Captiva rusumli xizmat avtomobili old qismiga o‘zboshimchilik bilan “migalka” (stroboskop) o‘rnatilganligi aniqlandi.
***
Surxondaryodagi to‘yda kutilmagan voqea yuz berdi: Ota aliment qarzdorligini to‘lamasdan 3-marta uylanmoqchi bo‘ldi.
Olim Xolmatov ikkala oilasida ham farzandlarining moddiy ta’minoti uchun aliment pullarini to‘lashdan bo‘yin tovlab yurgan. Natijada fuqaro yashash manzilidan chiqib, bedarak ketganligi sababli Majburiy ijro byurosining Oltinsoy tuman bo‘limi tomonidan 2018-yil 27-noyabr kuni qidiruv e’lon qilingan.
***
Zarina Nizomiddinova uni yomon ko‘rganlarga qanday javob berdi?
Uning so‘zlariga ko‘ra, aktrisaga tez-tez salbiy ma’nodagi xabarlar yuborishadi. Lekin u haqida odamlar yomon gaplar yozganini ko‘rgan Zarina bundan xafa bo‘lmaydi.
Izoh (0)