O‘zbekistonda oltin izlovchilar ma’dan izlash uchun ajratilgan yerni davlatga qaytarayotganida qazuv ishlari olib borgan hududni avvalgi holatiga qaytarish choralarini ko‘rshi lozim. Bu haqda Oliy Majlis Qonunchilik palatasining Ekologiya va atrof-muhitni muhofaza qilish masalalari qo‘mitasi a’zosi, deputat Islom Xushvaqtov jurnalistlar bilan 13-iyun kuni bo‘lgan ochiq muloqotda ta’kidlab o‘tdi.
Deputatning ta’kidlashicha, yer uchastkalarini oltin izlovchilarga taqdim etishdan avval joyning ekologik holati o‘rganib chiqiladi.
Yer uchastkalari uning ekologiyaga qanchalik ta’sir qilishi, olib boriladigan qazuv ishlarining bioxilmaxillikka yetkazadigan zarari hisobga olingani holda ajratiladi. Chunki shunday hududlarimiz borki, u yerdagi hayvonot va o‘simlik dunyosi rang-barang, ba’zilari Qizil kitobga kiritilgan.Uning qo‘shimcha qilishicha, yer qa’ri uchastkalari, jumladan, o‘lchamlari 1 gektardan ortiq bo‘lmagan sochma oltin konlari yerosti kon qazishmalari yo‘laklarisiz va portlovchi moddalardan foydalanmagan holda xavfsiz chuqurlikkacha, uch yil muddatga beriladi. Agar olti oy davomida oltin izlovchi tomonidan noqonuniy hatti-harakat kuzatilsa, ajratilgan yer olib qo‘yiladi.Zarar miqdori kamligi aniqlanib, yer ajratilgan taqdirda ham, oltin izlovchi qidiruv ishlariga ajratilgan muddat yakuniga etgach, bioxilmaxillikni saqlab qolish uchun oltin qazib olingan yerning avvalgi ekologik holatini qayta tiklash bo‘yicha choralar ko‘rishi kerakligi belgilangan.
Islom Xushvaqtov, deputat
Izoh (0)