O‘zbekistonda qo‘shimcha qiymat solig‘i bo‘yicha imtiyozlar faqat ayrim faoliyat turlari bo‘yicha saqlanib qoladi. Bu haqda Davlat soliq qo‘mitasi raisining o‘rinbosari Mubin Mirzayev ma’lum qildi, deya xabar beradi Spot.
“Maqsadimiz — faoliyatning ijtimoiy muhim turlarida imtiyozlarni saqlab qolish. Jumladan, dori-darmon, kitob va gazeta-jurnallar bo‘yicha. Qolgan barcha sohalarda bekor qilinadi. Bu qoida 2020-yil 1-yanvardan kuchga kiradi”, — dedi Mirzayev.
Oldinroq tadbirkor Zafar Hoshimov va iqtisodchi Yuliy Yusupov QQS bo‘yicha barcha imtiyozlarni bekor qilish va ushbu soliq stavkasini 12 foizgacha tushirishni taklif qilgandi.
Izoh (0)