14-iyunning e’tiborga molik yangiliklari — “Daryo” dayjestida.
Bishkek shahrida Shanxay hamkorlik tashkilotiga a’zo mamlakatlar Davlat rahbarlari kengashi navbatdagi majlisi bo‘lib o‘tdi.
Sammitda O‘zbekiston Respublikasi Prezidenti Shavkat Mirziyoyev nutq so‘zladi.
Shavkat Mirziyoyev ShHTning “yashil belbog‘i” dasturini qabul qilish taklifini bildirdi.
Shanxay hamkorlik tashkiloti Davlat rahbarlari kengashi majlisidan so‘ng hujjatlarni imzolash marosimi bo‘ldi.
O‘zbekiston Respublikasi Prezidenti Shavkat Mirziyoyev Bishkekda o‘tgan Shanxay hamkorlik tashkiloti sammitidan so‘ng Osiyoda hamkorlik va ishonch choralari bo‘yicha kengashning beshinchi sammitida ishtirok etish uchun Dushanbe shahriga keldi.
***
“O‘shanda yonimda hech kim qolmadi”. Alisher Uzoqov “zapret”ga tushgan yillari haqida gapirdi.
Alisher Uzoqov sababini aniq bilmasdan 3,5 yillik “zapret”da yurgani haqida gapirdi.
“Taqiqdan keyin ancha ko‘zim ochildi, ishimga bo‘lgan munosabatim o‘zgardi. Men avvalgi Alisher emasman. Butunlay o‘zgardim. Boshimdan o‘tganlarini dushmanimga ham ravo ko‘rmasdim”, — dedi u.
***
Qashqadaryo viloyati Nishon tumani markaziy shifoxonasining tug‘ruqqacha bo‘lgan davolanish bo‘limida ayollar koridorda yotgani, bitta palataga 8—9 nafardan ayol joylashtirilgani xabar berilgandi.
Sog‘liqni saqlash vazirligi ma’lum qilishicha, Nishon tumani markaziy shifoxonasining homiladorlar patologiyasi va ginekologiya bo‘limlarida yo‘lakda yotib davolanayotgan bemorlar aniqlanmagan. Bemorlar o‘rinlariga joylashuviga qadar o‘zlari va qarindoshlari yerga joy to‘shab yotib olgan.
***
Shahram G‘iyosov Shahlo Ahmedova bilan kinoteatrda tanishgani va o‘rtalaridagi mish-mishlarga oydinlik kiritdi.
“Biz Shahlo bilan do‘stmiz’, desam ham bo‘ladi. Muxlislar bizning munosabatlarimizni yaxshi bilishadi. Bir-birimizni hurmat qilamiz”, — dedi u.
***
AQSh Ukraina poytaxti nomini o‘zgartirdi.
AQSh jo‘g‘rofik nomlar bo‘yicha kengashi bir ovozdan xalqaro bazada Ukraina poytaxtini “Kiev”dan “Kyiv”ga o‘zgartirishga qaror qildi.
Umumiy bazaga 17-iyun kuni o‘zgartirish kiritiladi.
Izoh (0)