13 июннинг эътиборга молик янгиликлари — «Дарё» дайжестида.
Бугун, 13 июнь куни Шавкат Мирзиёев Бишкекка жўнаб кетди. Ўзбекистон Президентини «Манас» халқаро аэропортида Қирғизистон бош вазири Муҳаммадқалий Абулғозиев кутиб олди.
Шавкат Мирзиёев Бишкек шаҳрида Қирғизистон Республикаси Президенти Сооронбай Жеенбеков билан учрашди.
Шунингдек, ШҲТнинг Бишкек саммити тадбирлари доирасида Ўзбекистон Президенти Шавкат Мирзиёев Афғонистон президенти Ашраф Ғани билан учрашди.
Бундан ташқари, Ўзбекистон Президенти Бишкекда БМТ Бош котибининг сиёсий масалалар бўйича ўринбосари Розмери ДиКарлони қабул қилди.
***
Россиялик телебошловчи Ксения Собчак қисқа видеоси билан ўзбекистонликларни ранжитди.
Россиялик телебошловчи Ксения Собчак Instagram саҳифасида ўзбекистонликлар ҳақида қисқа видео лавҳа жойлаштирди ва уни «оломон ичидаги ёлғизлик» деб номлади. Унда Ксения Собчак миллий либосдаги ўзбек аёллари ўтиб кетаётган жойда тургани акс этган.
***
Оқдарё тумани ҳокимининг Captiva русумли хизмат автомобилига «мигалка» ўрнатилгани учун жарима белгиланди.
Самарқанд вилоятининг Оқдарё тумани ҳокими Феруз Абиловнинг давлат рақами 30 330 SАА бўлган Captiva русумли хизмат автомобили олд қисмига ўзбошимчилик билан «мигалка» (стробоскоп) ўрнатилганлиги аниқланди.
***
Сурхондарёдаги тўйда кутилмаган воқеа юз берди: Ота алимент қарздорлигини тўламасдан 3-марта уйланмоқчи бўлди.
Олим Холматов иккала оиласида ҳам фарзандларининг моддий таъминоти учун алимент пулларини тўлашдан бўйин товлаб юрган. Натижада фуқаро яшаш манзилидан чиқиб, бедарак кетганлиги сабабли Мажбурий ижро бюросининг Олтинсой туман бўлими томонидан 2018 йил 27 ноябрь куни қидирув эълон қилинган.
***
Зарина Низомиддинова уни ёмон кўрганларга қандай жавоб берди?
Унинг сўзларига кўра, актрисага тез-тез салбий маънодаги хабарлар юборишади. Лекин у ҳақида одамлар ёмон гаплар ёзганини кўрган Зарина бундан хафа бўлмайди.
Изоҳ (0)