1-iyun – Xalqaro bolalarni himoya qilish kuni munosabati bilan Samarqandda viloyati IIB YHXB tomonidan Samarqand shahrida “Targ‘ibot avtokarvoni” tashkil etildi. Bu haqda “Daryo” muxbiri xabar bermoqda.
“Targ‘ibot avtokarvoni” ko‘rgazmali vositalar va turli shiorlar bitilgan yozuvlar bilan shaharning markaziy ko‘chalarini aylandi, bolalar gavjum joylarda bo‘ldi.
Tadbir davomida bolalar va o‘smirlarga yo‘l harakati xavfsizligi qoidalari bo‘yicha tushuntirish berib borildi.
Samarqand viloyati IIB YHXB matbuot guruhining ma’lum qilishicha, olib borilgan targ‘ibot-tashviqot ishlari natijasida bolalar ishtirokida sodir bo‘lgan yo‘l-transport hodisalarining soni avvalgi yilning shu davriga nisbatan sezilarli darajada kamayishiga erishilgan.
Izoh (0)