Qozog‘iston parlamentining yuqori palatasi 30-may kuni o‘tkazilgan kengashda Qozog‘istonning birinchi prezidenti Nursulton Nazarboyevga faxriy senator maqomini berish to‘g‘risida qaror qabul qildi. Bu haqda “TASS” xabar berdi.
Senat raisi Darig‘a Nazarboyevaning ta’kidlashicha, davlat rahbari Qosim-Jo‘mart To‘qayev tantanali qasamyod qilish vaqtida Qozog‘istonning birinchi prezidenti Nursulton Nazarboyevga faxriy senator maqomini berish taklifini kiritgan.
“Davlat rahbari tashabbusini qo‘llab-quvvatlagan holda, Senat byurosi a’zolari ‘Faxriy senator’ maqomini tasdiqladi. Unga ko‘ra, Senat kengashida faxriy senator maqomini berish to‘g‘risidagi qarorni qabul qilindi”, — deb izoh bergan Nazarboyeva.
Qayd etilishicha, endi Nursulton Nazarboyev Qozog‘iston parlamentining yuqori palatasi kengashida ishtirok etishi mumkin.
Avvalroq Putin, Lukashenko va Jeenbekov Nazarboyev ordeni bilan mukofotlangani haqida xabar berilgan edi.