Қозоғистон парламентининг юқори палатаси 30 май куни ўтказилган кенгашда Қозоғистоннинг биринчи президенти Нурсултон Назарбоевга фахрий сенатор мақомини бериш тўғрисида қарор қабул қилди. Бу ҳақда «ТАСС» хабар берди.
Сенат раиси Дариға Назарбоеванинг таъкидлашича, давлат раҳбари Қосим-Жўмарт Тўқаев тантанали қасамёд қилиш вақтида Қозоғистоннинг биринчи президенти Нурсултон Назарбоевга фахрий сенатор мақомини бериш таклифини киритган.
«Давлат раҳбари ташаббусини қўллаб-қувватлаган ҳолда, Сенат бюроси аъзолари ‘Фахрий сенатор’ мақомини тасдиқлади. Унга кўра, Сенат кенгашида фахрий сенатор мақомини бериш тўғрисидаги қарорни қабул қилинди», — деб изоҳ берган Назарбоева.
Қайд этилишича, энди Нурсултон Назарбоев Қозоғистон парламентининг юқори палатаси кенгашида иштирок этиши мумкин.
Аввалроқ Путин, Лукашенко ва Жеенбеков Назарбоев ордени билан мукофотлангани ҳақида хабар берилган эди.
Изоҳ (0)