2019 йилнинг 22 май куни Флоренциядан Сиенага (Италия) бориш йўлида ичида туристлар бўлган автобуснинг ҳалокатга учраши натижасида жабрланганлар орасида Ўзбекистон фуқаролари йўқ. Бу ҳақда Ташқи ишлар вазирлиги Ўзбекистоннинг Рим шаҳридаги Элчихонаси берган маълумотга таяниб хабар қилди.
Элчихона Италия ТИВ ва бошқа давлат тузилмалари билан алоқада бўлиб турибди.
Шу билан бирга Консуллик-ҳуқуқий департаменти Италия, Ватикан, Мальта ва Сан-Марино ҳудудида бўлиб турган Ўзбекистон фуқароларига улар зарурат туғилган ҳолатларда мамлакатнинг Рим шаҳридаги Элчихонасига қуйидаги телефон рақами орқали мурожаат қилишлари мумкинлигини эслатиб ўтади: +39-06-878-60-310.
Аввалроқ Италиянинг Сиена провинциясида россиялик туристлар автобуси ағдарилиб кетиб, 1 киши ҳалок бўлгани ва 31 киши жароҳатлангани хабар берилган эди.
Изоҳ (0)