Joriy yil 17-may kuni Sirdaryo viloyati IIB xodimlari tomonidan Guliston shahrida tezkor tadbir o‘tkazildi. Bu haqda IIB matbuot xizmati ma’lum qildi.
Tadbir davomida Jizzax viloyati, Mirzacho‘l tumani, G‘alaba MFYda yashovchi U.J. 13-may kuni hujjatsiz tug‘ilgan o‘g‘il farzandini fuqaro M.N. ga 200 AQSh dollariga sotayotgan vaqtida qo‘lga olindi.
Mazkur holat yuzasidan JKning 135-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, oldinroq Guliston shahrida ikki kunlik chaqaloqni 2 million so‘mga sotayotganlar ushlangani haqida xabar berilgandi.
Izoh (0)