Toshkent viloyati bojxona boshqarmasi “S.Najimov” chegara bojxona posti xodimlari tomonidan mamlakatga kirib kelgan “KamAZ” rusumli beton qorish uchun mo‘ljallangan avtoulov belgilangan tartibda bojxona nazoratidan o‘tkazildi. Bu haqda “Daryo”ga Bojxona qo‘mitasi axborot xizmati ma’lum qildi.
Tekshiruv jarayonida fuqaro K.A.ga tegishli bo‘lgan avtoulovning beton qorish uchun mo‘ljallangan sisternasi ichida bojxona nazoratidan yashirilgan 25 million so‘mlik “KamAZ” ehtiyot qismlari mavjudligi aniqlandi.
Hozirda ushbu holat yuzasidan bojxona tekshiruvlari davom ettirilmoqda.
Izoh (0)