Surxondaryo viloyatining Jarqo‘rg‘on tumanidagi “Nurli Diyor” mahallasida hisori zotli qo‘y birdaniga 5 ta qo‘zili bo‘ldi. Bu haqda “Daryo”ga jurnalist Muhiddin Jabborov ma’lum qildi.
Shaxsiy xo‘jaligida chorvachilik bilan shug‘ullanadigan Hanifa Xo‘jakeldiyeva bundan boshi ko‘kka yetgan bo‘lsa ham shu paytgacha bunaqasini ko‘rmaganini bildirdi.
Mahalla veterinari ham tajribasi davomida ilk bora bunday hodisaga duch kelayotganini aytdi. Hozirda mutaxassis qo‘zichoqlarning ahvolidan muntazam xabar olib turibdi.
Voha ahli orasida egizak qo‘zichoqlar bilan bog‘liq odatlar saqlanib kelmoqda. Hanifa hoji aya ham urfga ko‘ra qo‘zichoqlardan birini cho‘ponga hadya etadi.
Izoh (0)